Det populære TV-programmet Norge Rundt sender fredag frå Den kulturelle skulesekken i Vestfold og Telemark. Det er Nutheim Kunstsenter i Flatdal som er arena, og tilbodet "Spikk! - Sjølvportrett og ramme" er plattforma for sendinga.
- Norge Rundt er framleis eit av dei mest populære programma til NRK, og vi i Den kulturelle skulesekken synest det er stas at dei har vald å lage program frå eit av våre tilbod, seier Anette Storli Andersen. Ho er teamleiar for Den kulturelle skulesekken i Vestfold og Telemark.
«... det er stas at dei har vald å lage program frå eit av våre tilbod»
- Anette Storli Andersen
"Spikk! - Sjølvportrett og ramme" er eit tilbod til nokre vidaregåande klasser. Tysdag var det elevar frå kunst, handverk og arkitekttur ved Porsgrunn videregående skole som fekk tilbodet. Dermed er det dei elevane vi møter i beste sendetid på fredag.
Les meir om "Spikk! - Sjølvportrett og ramme" her.
