Planforum

Regionalt planforum

I Regionalt planforum vert konkrete regionale og kommunale planar teke opp, og planane kan vere på ulike steg i planprosessen. Statlege, regionale og kommunale interesser vert teke opp og søkt samordna.  

Vestfold og Telemark fylkeskommune leier Regionalt planforum og er sekretariat. Statlege og regionale organ og kommunar som er direkte rørt av den aktuelle saka skal delta. Representantar for tilgrensande interesser i saka kan også delta i møtene i planforumet.

Statsforvaltaren  i Vestfold og Telemark er fast deltakar i Regionalt planforum. Statens vegvesen, Mattilsynet og Norges vassdrags- og energidirektorat og Bane NOR med fleire møter når planane gjeld deira faginteresser. Dei offentlege organa vert kalla inn etter beste skjønn, og representantane må sjølv vurdere om det er ei relevant sak å delta i. 

Mål for Regionalt planforum

Forumet skal:

• være et samarbeidsorgan for å gjere plansaksbehandlinga meir effektiv og føreseieleg, og at ein unngår konfliktar mellom kommunale og regionale planer i Vestfold og Telemark
• bidra til større forståing for bakgrunn og syn hjå dei ulike nivåa og fagområda
• formidle nasjonale og regionale avgjerder og retningslinjer
• stimulere til harmonisering av planar, både mot andre kommunane planar og mot regionale planer
• bidra til å utvikle semje mellom dei regionale styresmaktene i utsegnene til planhøyringar.

Møtedagar og fristar:

Regionalt planforum har fast møtedag på onsdagar mellom 09.00 – 14.00. Vi vil primært nytte TEAMS, eventuelt i kombinasjon med fysisk møte. Frist for å melde opp sak, inkludert bakgrunnsdokument, er seinast 10 arbeidsdagar før møtetidspunktet. Dersom datoen kjem på ein raud eller inneklemt dag, går den ut. Det er heller ikkje sett av møtetid i ferievekene. Vinterferien er veke 8 og haustferien er veke 41 i Vestfold og Telemark fylke.

Det er også mogeleg å møte i fylkeshuset i Tønsberg i oddetalsveker (veke 1-3-5-osv), og i fylkeshuset i Skien i partalsveker veke 2-4-6-osv ). Andre møtestader kan avtalast dersom det er formålstenleg totalt sett. Det vert servert lunch dersom det er lang reiseveg for deltakarane.  

Frist for å melde opp sak inkludert bakgrunnsmateriale er seinast 10 arbeidsdagar før møtetidspunktet, men ta svært gjerne kontakt før det.

Prinsippet om «førstemann til mølla» gjeld, og alle kommunane kan i utgangspunktet fritt velje møtedag.

Her er lenker til informasjonsskriv og påmeldingsskjema:

Regionalt planforum 2022- info og påmeldingsskjema

Påmeldingsskjema til Regionalt planforum 2022 (word)

Påmelding til Rakel Skjerve

Møtene vert primært arrangerte på Teams, eventuelt i kombinasjon med fysisk møte.

Møteplan våren 2022

Møteplan Høst 2022